Ad Banner
Ad Banner
Ad Banner
Ad Banner

Shpëtohen nga mbytja 60-vjeçari dhe dy fëmijë në Shkodër

00:01 | 22 Mars 2018
Trina Galanxhi

Policia e Shkodrës dhe FNSH-ja, kanë shpëtuar ditën e sotme 2 të mitur dhe një 60 vjeçar, të mbetur të bllokuar si pasojë e vërshimit të ujërave të lumit Kir.

Mësohet se policia është vënë në lëvizje nga një telefonatë, që ka njoftuar se 2 të mitur kishin mbetur të bllokuar në ujerat e lumit Kir, poshtë Urës së Bardhajve.

Në zonën ku u kërkua ndihmë, shkuan shërbimet e Policisë lokale dhe Grupi i Emergjencave të FNSH-së, Shkodër.

Ata u angazhuan në operacionin e shpëtimit dhe arritën në kohë të nxirrnin nga uji 2 fëmijët e moshës 14 vjeçare, si dhe F.Gj. 60 vjeç, i cili kishte shkuar për t’u ofruar ndihmë fëmijëve.

Blutë e Shkodrës bëjnë me dije se tre të shpëtuarit janë dërguar në Spitalin Rajonal Shkodër për kontroll, dhe janë në gjendje të mirë shëndetësore.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm